تبلیغات
سوغات آباد- آزمایشی
   خوش آمدید

شعر طنز کاندیدا!



شعر طنز کاندیدا!

مجلسه کاندید اولوب میرزه تاغی
باش کسیر شمشیرینین دال قاباغی
چوخ آغیردیر دییه‌سن طمطراغی
بئلــــه کی حددن آشیبدیر قوناغی
ساتیب الدن چیخادار مولکی باغی
دوشه جکـــــدیر هچَله میرزه تاغی

ایندیـدن چوخلارین آلمیش پولونان
اَل تـــــــوتور هر کسه بیر جور یولونان
چوخونون بوینـــــونا مینمیش چولونان
صیغه سین کسـدیریب اون بئش دولونان
بیلسه آرواد آلاجاقدیر طلاغی
دوشه جکدیر هچَـله میرزه تاغی

پَه آتونــــان بو بشــــــر شرم ائله مز
دوشمنـــــه بوینــــون اَیَر شرم ائله مز
اوزونـــــه ائل تــوپورر شرم ائله مز
گونـــــده یوز یول اَل اؤپر شرم ائله مز
هارا گئتسن گلر اوردان سوراغی
دوشه جکــــدیر هچَله میرزه تاغی

یوخـــــــدو بیر بت بره برکیتمیه بو
چالیشیــر بیــر کسی اینجیتمیه بو
آنـــد ایچیب چیخسا اگر ایتمیه بو
قالمــاییب کتده حوضور گئتمیه بو
ایندی دای ساده دَییل کند اوشاغی
دوشه جکدیر هچَـــــله میرزه تاغی!

آقانیـــــــــن یئــدی قلم حیله سی وار
گونده آروادلار اوچـون روضه سی وار
سوتی قنــــــــــادیسی یا میوه سی وار
جوجــــه سی اولماسادا، قیمه سی وار
نئچه آیلاردی کی سونمور اوجاغی
دوشه جکدیر هچَـــــــــله میرزه تاغی

چوخونا وعده وئریب ایش وئره‌جک
چوخلو دیشسیز قوجایا دیش وئره‌جک
سیزه آهــــن، بیزه کرپیش وئره‌جک
شاها شاهماتدا وزیر کیش وئره‌جک
ایندیدن طوفان ائدیر قاش قــاباغی
دوشه جکدیر هچَـــــــله میرزه تاغی

بئــــــله کاندیدلــرینن وای وطنه
چالیرام هر گئجه لای لای وطنه
وئرمسک بیزلر اگر های وطنه
قــورخورام گلمیه یاز یای وطنه
حق اگر اولسا بو خلقین دایاغی
دوشه جکدیر هچَــله میرزه تاغی

آییلیب میلّتیمز یاتمیـــــــــــــاجاق
حقی ناحقـــــــه گورا آتمیــاجاق
پولا هئچ کس نظرین ساتمیاجاق
پیسی دای یاخشییا ائل قاتمیاجاق
ائلیمیز یاخشی گؤرور دای اوزاغی
دوشه جکـــــــــدیر هچَله میرزه تاغی!


داواخاناچی، ترانه طنز درباره مشکلات بیماران و خرید دارو

داواخاناچی، ترانه طنز درباره مشکلات بیماران و خرید دارو، با آهنگی از محمد رضا علیقلی در فیلم کلاه قرمزی و پسر خاله و اجرای امین رسولی 
باشوا دولانیم قادوی من آلیم
آی آغا داوا خاناچی منیم داوالاریمی ور
سویوخ دئیب دی اؤلیرم 
هر یئری آختارمیشام 
ایشمه اتدی اؤولرم
بیمه دفترچه سی الده
گئزیرم آی آغا دوختور
من اولوم نسخنی باغلا سنه قوربان
منی مایوس ائلمه قؤما  قاپونان
من اولوم نسخنی باغلا سنه قوربان
منی مایوس ائلمه وئر داوامی باشووا دونوم قؤما  قاپونان
کیشی دای آز دئین 
قؤیمادون من ده دئییم
آغلاما  بسدی دای  اوتان
بینی بیل کی وئرمرم دفترچیئه داوا درمان
تئزه میدانا یاواشجا داوانی یولیارام من
نیرخ آزاد اگر آل  ائلدون اعلان
نوسخوؤی باغلیلارام من اؤزوم الان
نیرخ آزاد اگر آل  ائلدون اعلان
نوسخوؤی باغلیلارام من پولی سن وئر همین الان


سرود طنز پل هوایی، شعری از بهرام یوسف‌پور آذر، با اجازه رسول نجفیان


یکی از سرودهای خاطره انگیز  میرن آدما با صدای رسول نجفیان می باشد که در برنامه سوغات آباد با اجرای امین رسولی و اشعاری از بهرام یوسف پور آذر بر روی آهنگ این سرود خوانده که در اینجا با هم می شنویم .



کالون‌‌لار دسته دسته، ترانه طنز از دهه هفتاد درباره سردی زمستان



کالون‌‌لار دسته دسته
ترانه طنز از دهه هفتاد درباره سردی زمستان 

دوشوب فصل زمستانون گذاری قوروروب بخاری
ولی یوخدی نوؤت بو قیش قاباغی سوؤخدی آری آری 
سوؤخدان باشیمه یورقان چکیب ایلشمیشم من
دمای زیر صیفره مختصر  اؤرشمیشم  من
کالونلار دسته دسته 
بوشالدی اوسته اوسته 
جانیمدا اولدی خسته 
گره کورسی قورمان بینان بئله در فصل جاری  
اگر چی توستیسی وار دیر اونون هم ده خیساری
کالونلار دسته دسته 
بوشالدی اوسته اوسته 
جانیمدا اولدی خسته 
گره کورسی قورمان بینان بئله در فصل جاری  
اگر چی توستیسی وار دیر اونون هم ده خیساری

گینه ده قیش گئلیبدی 2 ولی یانمیر بخاری
سؤخدی آری آری
سوؤخدان باشیمه یورقان چکیب ایلشمیشم من
دمای زیر صیفره مختصر  اؤرشمیشم  من
کالونلار دسته دسته 
بوشالدی اوسته اوسته 
جانیمدا اولدی خسته 
گره کورسی قورمان بینان بئله در فصل جاری  
اگر چی توستیسی واردور اونون  هم ده خیساری

عزیزینم شاخدادای  هاوا بتر شاختادی
قوروریب دیزلریم   ائله بیلکی تاختادی

نفته پیش ویرارام   کورسینی قورارام
یاندیرارام به به    چون  ایستی دی
              ویرام بولبول کیمی چه چه  

        نفته پیش ویرارام   کورسینی قورارام
یاندیرارام به به    چون  ایستی دی
              ویرام بولبول کیمی چه چه   

   دوشوب فصل زمستانون گذاری قوروروب بخاری   
سوؤخدان باشیمه یورقان چکیب ایلشمیشم من
دمای زیر صیفره مختصر  اؤرشمیشم  من
کالونلار دسته دسته 
بوشالدی اوسته اوسته 
جانیمدا اولدی خسته 

گره کورسی قورمان بینان بئله در فصل جاری  
اگر چی توستیسی وار دیر اونون هم ده خیساری

آهنگساز : بیژن مرتضوی
خواننده : امین رسولی










درباره سایت

  • وبلاگ سوغات آباد با هدف جمع آوری فایلهای صوتی و ماندگارکردن برنامه پر مخاطب آذری زبانان (برنامه جمعه گوروشی و بخش سوغات آباد ) و قدر دانی از هنرمندان اردبیلی و ایجاد لحظات شاد و خاطره انگیز برای علاقمندان این برنامه بیست ساله رادیو اردبیل ایجاد شده. علاقمندانی که فایلهای صوتی قسمتهای مختلف این برنامه را در اختیار دارند درخواست داریم تا جهت استفاده عموم به ایمیلم ارسال نمایند تا به نام خودشان به اشتراک گذاشته شود .
    vasileh2012@gmail.com

آخرین عناوین

تصاویر منتخب 3

سوغات آباد- آزمایشی

با هم بخندیم

اطلاعات سایت